البيتتكنولوجيا

كيفية تحسين جودة صورة التليفزيون والألوان

إزاي تحسّن جودة صورة التلفزيون؟

التليفزيون مصدر أساسي للترفيه سواء بتتفرج على قنواته العادية عن طريق القمر الصناعي (الستالايت) أو بتشوف عليه محتوى من على الإنترنت، وبيعاني البعض من تشويش الصورة وعدم وضوحها بكامل كفائتها أحيانًا بسبب ضعف جودة الصورة من المصدر، بس عوامل تانية تقّدر تعدّلها في شاشة تليفزيونك عشان تستمتع بجودة صورة عالية.

التليفزيون

خطوات عامة لتحسين جودة التليفزيون  

  • وقّف خدمة توفير الطاقة/ Power Saving لأنها بتقلل وضوح الصورة وبتأثر على جودتها واتأكد إن كابلات التوصيل بين التليفزيون وسلك الدش أو أسلاك الـ AV متركبة بإحكام
  • اظبط درجة السطوع/ Brightness في الصور لما توقف الصورة على فيلم فيه مشهد مظلم
  • ارفع درجة السطوع لأقصى درجة وبعدها قللها بالتدريج عشان توصل للمعادلة الصعبة وهي إن الصورة تبقى مظلمة لكن التفاصيل الصغيرة واضحة ليك
  • أما التباين/Contrast اظبطه على صورة بيضاء زي السحاب أو فستان زفاف
  •  الأحسن تظبطه على مستوى متوسط عشان تظهر الصورة بلمعانها بدون إخفاء أي تفاصيل منها
  • خلي إعدادات الألوان أميل لوضع الدافيء/ Warm أو القليل/ Low
  • تشبع الألوان/ Saturation ضروري يكون في الدرجة المتوسطة وتجنّب المبالغة فيه
  • ولكن درجة الحدة/ Sharpness لازم تبقى في أقل مستوياتها والأحسن تظبطها بالشكل اللي عينك مرتاحة فيه وغالبًا هتبقى عند الدرجة صفر أو واحد
  • اعرف إن الإضاءة عامل أساسي في التغييرات اللي بتعملها في جودة الصورة
  • وبالتالي خليك حريص إن مصدر الإضاءة يبقى مش أمام الشاشة مباشرة خصوصًا أثناء إجراء التعديلات

طريقة ظبط ألوان التليفزيون 

  •  اتأكد إن نسبة الارتفاع وحجم الصورة في الوضع الطبيعي (Normal) والغي تفعيل التكبير (Zoom) 
  •  ابعد عن وضعيات الصورة الرياضية (Sport)  أو الوضعية الحية ( Vivid)  أو الحيوية (Dynamic) 
  •  اختار وضعية السينما (Cinema) أو المسرح (Theatre) واتأكد إنك مختار ( دافيء) عند قائمة درجة حرارة اللون 
  •  اظبط السطوع (Brightness) على 50% ودرجة الحدة (Sharpness) على نفس النسبة 
  •  أما التباين أو (Contrast) ضروري تبقى نسبته 100% 
  •  تشبّع الألوان (Saturation) بيتظبط حسب اختيارك بس ضروري تبقى بتتراوح عند نسبة 50% سواء قبلها أو بعدها بدرجتين
  • وافتكر إن الإفراط فيها هيزوّد تركيز الألوان بشكل مبالغ فيه ممكن يشتت بصرك

استبدال الريسيفر القديم 

  • من الأخطاء الشائعة استخدام نفس الريسيفر القديم لو هتوصّله على تليفزيون جديد خصوصًا لو الريسيفر القديم بيدعم تقنية الـ SD
  • وبالتالي ضروري تشتري ريسيفر جديد بيدعم تقنية الـ HD عشان تستمتع بجودة صورة أعلى

مقالات ذات صلة

زر الذهاب إلى الأعلى