صحة

فقدان حاسة الشم: الأعراض والأسباب والأمراض اللي بيدل عليها

إزاي تفهم سبب فقدان حاسة الشم؟

فقدان حاسة الشم من الأعراض المصاحبة للإصابة بفيروس كورونا لأنه بيأثر على الخلايا العصبية المرتبطة بالشم والتذوق، بجانب إن الدراسات بتأكد إنه أحيانًا بيبقى من أعراض الإصابة بفيروسات تانية، أو بسبب احتقان الجيوب الأنفية المزمن، عشان كده مهم تفهم سببه وتحمي نفسك من الإصابة بالفيروسات وتعرف بعض الطرق اللي ممكن تقوّي بيها حاسة الشم.

فقدان حاسة الشم

أسباب فقدان حاسة الشم 

  • الإصابة بفيروس كورونا بتتلف الخلايا العصبية في الغشاء المخاطي الشمّي وبتنمو من جديد بعد الشفاء
  • نزلات البرد والأنفلونزا بتسبب تورّم في الأغشية المخاطية، وسيلانها، وفقدان الشم
  • بوليبات الأنف (السلائل الأنفية) وهي تورمات في سطح الغشاء المخاطي بتتكون على شكل عُقد
  • حساسية الجيوب الأنفية بتسبب تورم في الغشاء المخاطي بينتج عنه فقدان الشم 
  • تراكم اللحمية في الأنف بيسبب التهابات مزمنة في الجيوب الأنفية وبينتج عنه فقدان الشم والتذوق
  • إصابات الدماغ أو الوقوع على الجزء الخلفي للرأس ممكن يسبب فقدان الشم 
  • بيرتبط كمان بأمراض فقدان الذاكرة والزهايمر وشلل الرعاش
  • بتزيد فرص حدوثه مع الإصابة بالسكر وانخفاض نشاط الغدة الدرقية والفشل الكلوي
  • أحيانًا بيزيد معاه الصداع واضطرابات في الجهاز العصبي اللي اجتماعهم بيدل على وجود ورم في المخ 

فقدان الشم وفيروس كورونا 

  • الدراسات بتقول إن 80% من المصابين بفيروس كورونا عندهم اضطرابات في حاسة الشم
  • بتقل قدرتهم على الإحساس بالمهيجات الكيميائية والفلفل الحار
  • علماء الأعصاب بيقولوا إن الفيروس بيهاجم الخلايا المسؤولة عن تسجيل الروايح
  • دراسات تانية بتأكد إنه بيهاجم الخلايا الداعمة والجذعية مش الخلايا العصبية مباشرة
  • الخلايا المعلقة اللي بتدعم الخلايا العصبية الشمية فيها كمية كبيرة من مستقبلات الإنزيم المحوّل للأنجيوتنسين (ACE2)
  • المستقبلات دي هي اللي الفيروس بيهجم عليها وبيصيبها وبالتالي بتقل كفاءة الشم وبيزيد خطر فقدانه
  • في أغلب الفيروسات ممكن يحصل فقدان للشم بسبب انسداد الأنف بالمخاط
  • لكن الإصابة بفيروس كورونا بسبب إصابة الخلايا المعلقة اللي أحيانًا بتحفّز نشاط الخلايا المناعية وتضر جزء كبير من الخلايا الشمّية في طريقها
  • ده بيفسر سبب حدوث هلوسة شمية عند البعض وشمّهم لريحة عفّن في الأكل واضطراب حاسة الشم عندهم

علاج الهلوسة الشمّية 

  •  دراسات كتير سجلت حالات هلوسة شمّية لبعض المتعافين من كورونا 
  •  الحالة اسمها باروزميا (Parosmia) وهي الإحساس بريحة أو طعم عفن الأكل 
  • دراسة بريطانية بتقول إن الغريب إن ريحة واحدة غريبة بتسيطر على الشخص في كل الأطعمة والمشروبات
  •  بتطور الحالة عند البعض وبيشموا روايح الحريق والأسماك والكبريت في الأكل والشرب 
  •  عند سؤالهم أكدوا إن الروايح دي بعيدة عن بيئتهم تمامًا وبسببها انتبهوا للمشكلة 
  •  الخبراء بيقولوا إن سببها الناقلات العصبية المسؤولة عن الشم 
  • بتتلف الخلايا الداعمة في تجويف الأنف اللي بتمكّن الخلايا العصبية من اكتشاف الروايح وتمييزها 
  • بتزيد التفاعلات الالتهابية داخل الأنف وبالتالي بتتأثر حاسة الشم لمدة قصيرة أو طويلة حسب شدته
  • أكتر المواد اللي بتتغير ريحتها الشوكولاتة والقهوة والتوم والبطاطس المقلية والعطور 
  •  دراسة في جامعة دريسدن الألمانية بتقول إن جلسات شم 4 أشياء مختلفة مرتين يوميًا ممكن تعالجها
  • بتأكد إن الجلسات بتساعد مسارات الشم على التعافي 
  •  التجربة شملت شم روايح الكافور والليمون والقرفة والقهوة والعسل والفراولة والزعتر والشوكولاتة 

علاج فقدان الشم بعد الزكام 

  • وقّف تدخين تمامًا لأنه بيقلل مدة التعافي
  • نضْف أنفك باستخدام محلول مياه وملح عن طريق إضافة كمية مياه عليها نص معلقة ملح ومعلقة صغيرة بيكنج صودا
  • حاول تدخّل المحلول في أنفك وكرر التجربة في كل فتحة للأنف
  • اغسل أسنانك ونضّف فمّك باستمرار
  • بعض مضادات الاحتقان ممكن تسرّع فرص الشفاء زي:
  • الإفدرين (Ephedrine)
  • نافازولين (Naphazoline)
  • ترامازولين (Tramazoline)

تقوية حاسة الشم

  •  اهتم بشم الحاجات اللي بتاكلها وبتشربها قبل ما تدوق طعمها عمومًا عشان تقلل فرص فقدان حاسة الشم
  •   شم حاجات مختلفة عن بعض تمامًا وركز في ريحة كل واحدة منهم 
  •  دراسة بتأكد إن تخيلك لروايح معينة ورسم صورة ذهنية في مخك عنها بيقوي إحساسك بيها 
  • خليك حريص إنك تشم عن طريق استنشاق سريع مدته قصيرة 
  • دراسة تانية بتأكد إن التمرين والرياضة باستمرار بتقوي المناطق في المخ اللي بتعالج إشارات الشم من الأنف
  • استخدم مكملات الزنك وفيتامين B12 بكميات مناسبة وتحت إشراف طبيب متخصص
  • تجنب الأطعمة المسببة لزيادة المخاط اللي ممكن يقلل جودة الشم عندك أو يتسبب في اختفائه 
  • ومنها منتجات الألبان والجبن والأيس كريم خصوصًا وقت الإصابة بنزلات البرد اللي بيزيد فيها إفراز المخاط
  • تجنب التدخين لأنه بجانب مواد كيميائية تانية بيسبب استنشاقها المستمر إضعاف حاسة الشم
  • البس كمامة لو شغلك فيه تعامل مع مواد كيميائية أو أي حاجة ليها رائحة نفاذة قوية
  • اغسل أنفك كويس بالمياه واستنشق ونف كويس للتخلص من أي مخاط متراكم بيأثر على الشم
  • استشير طبيب متخصص لو حسيت بأي ضعف فيها وعلاج المشكلة في أقرب وقت

العلاقة بين حاسة الشم والتذوق

  • الدراسات بتقول إن التذوق معتمد بنسبة بتوصل لـ 80% على الشم
  • من غير الشم هتقل القدرة على التذوق وهيقتصر بس على تمييز الطعم المر والحلو والحادق والحامض
  • وقت مضغ الطعام والشراب بتتبخر المواد الكيميائية في الممرات الهوائية اللي بتربط الفم بالأنف وتحديدًا الجزء الخلفي منّه
  • تحفيز المستقبلات الشمّية بيكوّن المذاق المميز لكل أكلة بنتناولها

طريقة تقوية حاسة التذوق 

  •  امضغ الأكل بالراحة وركز في طعمه قبل البلع وابعد عن أي مشتت
  •  بلاش تفرط في البهارات والكاتشب أو الصوصات المصنعة لأنهم بيضيعوا طعم الأكل الأصلي، بس مهم تجرب أنواع مختلفة منهم وبكميات محدودة
  •  الدراسات بتأكد إن الأكل المصنع الغني بالملح والسكر بيضر براعم التذوق، بيزود نشاطهم زيادة عن اللزوم وبيقل استطعام الأكلات التانية 
  • جرب أكلات جديدة من مطابخ مختلفة وبلاش تحدد نفسك في نكهة واحدة فقط
  •  وإنت بتاكل ليمون أو برتقال مرر لسانك عليهم كويس قبل البلع عشان هيساعدوك تحس بالنكهات القوية
  •  قبل ما تمضغ أي أكل شمه كويس عشان ريحته تدخل تجويف الأنف 
  • شم التوابل أو أي ريحة أكل قوية بس مش كل يوم
  •  خلي شخص يختار أكلة معينة من غير ما يقولك.. وكلها وإنت مغمض عينك 
  • حاول تستنتج طعم الأكلة من غير ما تعرفها   
  • امنع التدخين لأن تأثيره خطير على التذوق بجانب أضرارها على الصحة 

مقالات ذات صلة

زر الذهاب إلى الأعلى