المحتويات
المهبل من الأماكن اللي بتحتاج رعاية واهتمام شديد لتجنب الإصابة بالالتهاب والفطريات، وفي عادات يومية بتأثر سلبا عليه وبتغير توازنه الكيميائي.
غسل المهبل بالصابون
- استخدامه بيسبب حكة المكان والتهابه مع مرور الوقت لأن الصابون فيه مواد كيميائية وبتدخل لمنطقة الفرج
- ده ممكن يسبب تغيير درجة الحموضة الطبيعية في المكان وبالتالي الإصابة بالجفاف
- مهم تختاري الغسول الطبي المناسب للمكان الخالي من المواد المهيجة ومكوناته خفيفة
- المهبل بينضف نفسه تلقائيا وبالتالي شطفه بالمياه الفاترة كافي لتنضيفه
استخدام الفوطة الصحية لفترة طويلة
- أثناء الدورة الشهرية، لازم تغيري الفوطة الصحية كل 4-6 ساعات لتجنب احتكاك الدم مع المهبل بعد تغير لونه للأخضر
- في حالة استخدام الفوط اليومية، لازم تغيريها مرة على مدار اليوم لأن استخدام نفس الفوطة لفترة طويلة بيوفر بيئة خصبة لنمو البكتيريا والفطريات في المكان
أساليب إزالة الشعر
- في بعض الطريق زي ماكينات إزالة الشعر بتخدش المكان وبتسبب فيه جروح بدرجات مختلفة، وبيكون بيئة خصبة أكتر لنمو البكتيريا
- غيريها بعد كل استخدام واتأكدي إنها معقمة
- مهم تستخدميها بحذر أو تختاري طريقة أنسب لإزالته زي الليزر
الجلوس بملابس الجيم
- الملابس الرياضية بتمتص وتحبس العرق فيها، وقضاء وقت طويل أثناء لبسها بيعرض المكان لكمية كبيرة من الرطوبة والدفء المناسب لنمو الفطريات
- غيري ملابسك بعد الانتهاء من ممارسة الرياضة أو السباحة
الملابس الداخلية الضيقة أو غير المناسبة والمهبل
- بتسبب شعور بعدم الارتياح وبتحتفظ بالرطوبة والعرق بداخلها لفترات طويلة
- المقاسات الضيقة بتسبب الالتهابات والألم والشعور بعدم الارتياح
النوم بالملابس داخلية
- المهبل بيحتاج للتهوية من حين للآخر، لأن ده بيساعده في استعادة درجة الحموضة المناسبة ليه وبيقلل احتكاكه مع الأقمشة
- استغلي وقت النوم ونامي بدونه مرة كل فترة
استخدام الدش المهبلي
- الدش المهبلي هو وسيلة لتضيف المكان بعد ممارسة العلاقة الجنسية وبتعتمد عليه كتير من السيدات لتطهير المكان
- لكنه ليه مخاطر كتير على صحة الجهاز التناسلي لأنه بيسبب خلل في توازن البكتيريا النافعة وبيسبب دخول الجراثيم للمكان من الداخل
- الأفضل بعد العلاقة الجنسية هو استخدام الغسول المهبلي الآمن والتأكد من تجفيف المكان كويس
التدخين والمهبل
- الدراسات أثبتت إنه بيأثر على صحة المهبل لأنه بيخل بتوازن البكتيريا النافعة في المكان
- بيزود فرص الإصابة بالالتهابات البكتيرية فيه وبشكل متكرر
الاستخدام الخاطيء لمناديل الحمام
- اختاري المناديل غير المعطرة لأنها بتسبب تهيج المكان والأنواع المكونة من طبقتين أو أكتر مناسبة
- نضفي المكان من الأمام للخلف لتجنب انتقال البكتيريا للمهبل
عدم ممارسة تمارين الكيجل
- تمارين الكيجل مهمة لمنطقة الحوض، فهي بتقوي العضلات الداعمة للمثانة والأمعاء والرحم
- بتزود الإحساس والاستمتاع أثناء العلاقة الجنسية
- بتساعد في الوقاية من تسرب البول
