صحة

طريقة تفتيح المناطق الحساسة وأسباب تغيّر لونها

إزاي تعرف طرق تفتح المناطق الحساسة للرجال والسيدات؟

تفتيح المناطق الحساسة من أهداف أشخاص كتير بيعانوا بسبب اختلاف لون منطقة العانة أو حلمة الثدي عن باقي الجسم، وتغيّر لونها بشكل كبير خصوصًا مع ميلها للون أغمق من باقي الجسم، وبتختلف أسبابه سواء لأسباب وراثية أو نتيجة التهابات أو بسبب تغيّرات الهرمونات، وبالتالي مهم تعرف السبب عشان تلاقي العلاج المناسب اللي يساعد على تفتيحها قدر المستطاع.

تفتيح المناطق الحساسة

أسباب تغيّر لون المناطق الحساسة 

  • الجلد أحيانًا بيكون صبغة بسبب نشاط غدد اسمها (Melanocytes) بتحدد كمية الصبغة الموجودة في الجلد
  • عوامل كتير بتأثر على ميل لون المناطق الحساسة للأسود
  • منها الهرمونات الجنسية المتصلة اللي مستقبلاتها مرتبطة بالغدد دي، ونشاطها بيقل أو بيزيد حسب كميتها في الجسم
  • مثلًا قبل سن البلوغ بتقل الهرمونات الجنسية وبالتالي بتضعف فرص تغيرات في لون العانة أو الحلمة
  • لكن بعد البلوغ بتنشط الهرمونات بكمية كبيرة وبتزوّد ميل المناطق دي للون أغمق من باقي الجسم
  • التغيرات بتحصل مع الحمل وقبل انقطاع الدورة أو مع تناول بعض الأدوية اللي بتأثر على الهرمونات
  • بتزيد فرص تغيّر اللون بسبب الالتهابات سواء بسبب ارتداء أقمشة بخامة معينة غير قطنية خصوصًا البوليستر أو بسبب استخدام طريقة مختلفة لإزالة الشعر
  • تراكم العرق وقلة التهوية ومتلازمة تكيّس المبايض من أكتر الأسباب اللي بتزوْد الالتهابات
  • خصوصًا مع ارتداء ملابس ضيقة بتزوْد فرص تراكم الفطريات وبالتالي ظهور الالتهابات
  • زيادة الوزن بتزوّد احتكاك الجلد والجسم ببعضه وبالتالي بتتكون الالتهابات
  • العامل الوراثي دوره كبير في اختلاف لون المناطق الحسساسة عن باقي الجسم
  • بتقل فرص تفتيح المناطق الحسساسة لو العامل الوراثي هو السبب بس ممكن تتحسن بكريمات التفتيح
  • بعض الأمراض بتسبب تغيّرات في لون المناطق الحساسة زي السكر وترسب الأصبغة الدموية وفرط نشاط الغدة الدرقية

عوامل زيادة الخطر 

  • خشونة الملمس دليل على الإصابة بمرض الجلد الشوكي
  • تغيّر المنطقة بشكل مفاجيء للون أسود داكن وتغيّر لون الرقبة والإبط لنفس اللون دليل على ارتفاع مستوى السكر في الدم
  • انتشار النتؤات والحبوب في نفس المكان دليل على الإصابة بعدوى بسبب اتصال جنسي

وصفات التفتيح للرجال

  • دلّك المنطقة الحساسة بمعلقتين عصير ليمون وبعد تأكدك من امتصاص البشرة للسائل ضيف عليه نشا وسيبه 5 دقايق
  • ممكن تضيف 4 معالق نشا على نص كوباية عصير ليمون واخلطهم كويس ببعض ووزع الخليط على الأماكن الحساسة وبعدها افركه كويس قبل شطفه 
  • ادعك المنطقة اللي محتاج تفتّحها بجل الألوفيرا (المستخلص من الصبّار) لحد امتصاص البشرة له
  • اخلط شوفان مع الزبادي وحط الخليط لمدة 10 دقايق على المنطقة اللي عايز تفتّحها
  • بعدها اغسل البشرة كويس بمياه فاترة وتجنّب فرك البشرة بالمياه والصابون زيادة عن اللزوم
  • اخلط معلقة عسل على معلقة سكر واعصر عليهم نص لمونة وادهن الخليط ده على المنطقة اللي عايز تفتحها في حركات دائرية
  • ارتدي ملابس داخلية قطنية طول الوقت واشرب مياه كتير
  • التزم بنظام غذائي عشان تقلل وزنك واستحمى باستمرار خصوصًا مع ارتفاع درجة الحرارة
  • حدد نوعية الملابس اللي بتزوّد إحساسك بالالتهابات وابعد عنها

تفتيح المناطق الحساسة عند السيدات

  • زيت اللوز مصدر غني بفيتامين E  بيساعد على التفتيح واللبن بيساعد في ترطيب البشرة والعسل مضاد للبكتيريا 
  • امزجي معلقة صغيرة كركم مع عسل أبيض و1/2 معلقة صغيرة ليمون وسيبيه 15 دقيقة وافركي المنطقة بشكل دائري
  • اخلطي عصير الليمون والجليسرين مع مياه الورد عشان ترطبي البشرة وتفتحيها واستخدمي الخليط ده يوميُا قبل النوم
  • استخدمي جيل الألوفيرا على منطقة العانة وسيبيه لمدة 20 دقيقة واشطفيه بمياه فاترة
  • عصير الخيار بيحتوي على فيتامين A بيساعد في تفتيح البشرة 
  • مرري عصير الخيار مع عصير ليمون لمدة 15 دقيقة مع حركات دائرية بصباعك عشان تتأكدي من امتصاص الجلد له واغسليه بمياه فاترة 
  • افركي المنطقة بنصف ليمونة وسيبي عصير الليمون ينشف واغسليها بمياه فاترة 
  • البسي ملابس داخلية تساعد على التهوية زي القطن 
  • تجنبي إزالة الشعر بالشفرة أو بكريمات إزالة الشعر 
  • مهم تشربي مياه بكمية كافية عشان تقللي فرص جفاف الجلد

 تفتيح المناطق الحساسة بطرق طبية 

  • لازم تستشير طبيب جلدية متخصص عشان يحدد السبب الرئيسي لتغيّر لون المناطق الحساسة ويوصفلك العلاج المناسب
  • أدوية كتير ممكن تاخدها زي:
  • بيتادين (Betadine) لعلاج الالتهابات الجلدية
  • الكريمات اللي بتحتوي على ريتينويد (Retinoid) لكن مهم تعرف إنها بتحتاج شهور قبل تحقيق نتيجة مرضية
  • بعض الكريمات بتحتوي على هيدروكينون، والهيدروكورتيزون بس دول استخدامهم في أضيق الحدود وبجرعات قليلة جدًا ولازم يكون تحت إشراف طبيب متخصص
  • افتكر إن استخدام أي كريم مش تحت إشراف الطبيب ممكن يسببلك التهابات في المكان وتزوّد فرص تغيّر اللون لدرجة غمقان أكبر
  • افتكر إن العوامل الوراثية ممكن علاجها بالكريمات لكن حتى مع الوقت مش هتوصل لنفس درجة باقي لون الجلد

مضاعفات طرق العلاج 

  • الخبراء بيقولوا إنها أحيانًا ممكن تسبب عدوى خصوصًا جلسات الليزر أو استخدام الكريمات اللي بتحتوي على مواد كيميائية قوية
  • بتسبب توهّج الجلد وتورّمه، وبتزّيد فرص تكوّن الندبات في الجلد
  • بتقلل الإحساس بمنطقة البظر عند السيدات، ووجود الندبات ممكن يسبب ألم شديد عند الاستثارة الجنسية أو وقت الإتصال الجنسي

مقالات ذات صلة

زر الذهاب إلى الأعلى