مطبخ

طرق الطبخ المختلفة وفوايدها ونصائح للاستفادة منها

إزاي تفرق بين طرق الطبخ؟

الطبخ ليه طرق مختلفة حسب الأطعمة ونوع الأكل زي القلي والبخار والـ(Blanch)، وفي طرق صحية عن غيرها لأنها بتحافظ على العناصر الغذائية اللي فيه وبتساعدك تستفيد بأكتر كمية ممكنة منها.

طرق الطبخ المختلفة

الطبخ بالغلي

  • الطبخ في درجة حرارة حوالي 100(C)
  • حاول تستخدم أقل كمية من المياه للحفاظ على العناصر الغذائية في الأكل
  • مش بيحتاج لإضافة مصدر زيت أو زبدة ولو ممكن.. استغل المياه في الصوص أو الشوربة
  • قسم الأعشاب والبهارات على الأكل بين قبل وبعد ما يستوي عشان تستفيد بيها
  • اختار وعاء كبير بغطاء محكم

 الـ(Poaching)

  • شبه الغلي لكنه بيحتاج كمية مياه ودرجة حرارة أقل
  • غير مناسب لطبخ الخضار لأنه بيسبب فقدان كمية كبيرة من العناصر الغذائية فيه
  • مناسب أكتر للحوم والفراخ والأسماك
  • ضيف البهارات والأعشاب للمياه والملح ضيفه في الآخر 

الطبخ بالبخار

  • مناسب للبطاطس والخضار والأسماك
  • بيسوي الأكل منفصل عن المياه سواء باستخدام حلة مخصصة ليه أو حلة فيها مصفاة
  • عشان طعمه يكون أحلى.. خلي السايل المستخدم شوربة أو مياه فيها توابل وأعشاب وليمون
  • بيحافظ على معظم العناصر الغذائية في الأكل

الـ(Stew- Braising)

  • هو المزج بين اللحوم والسوايل في وعاء واحد وبيتقدموا مع بعض
  • مناسب أكتر للخضار واللحوم والأسماك
  • بيحتاج درجة حرارة منخفضة
  • احتفظ بالسايل للحفاظ على العناصر الغذائية للأكل
  • ممكن تسوي اللحوم والخضار بشكل منفصل الأول قبل إضافة السايل أو ممكن تشوحهم في كمية مياه بسيطة وزبدة أو زيت عشان ينزلوا السوايل وبعدين تضيف السايل

الـ(Blanching)

  • بيعتمد على تسوية الأكل نص تسوية وبعدين ضيفه في مياه متلجة عشان توقف التسوية
  • مناسب للخضار أكتر زي الفاصوليا والبروكلي والأسباراجوس
  • خسارة العناصر الغذائية فيه قليلة ولكنه بيقضي على الإنزيمات المفيدة

الطبخ بالضغط

  • بيحتاج حلة مخصصة ليه وبياخد وقت أقل في التسوية
  • مهم تلتزم بالمدة المحددة ليه لتجنب تسوية الأكل الزايدة
  • مناسب لتسوية كميات كبيرة مع بعض أو لو عايز الأكل يكون سهل المضغ

الـ(Roasting)

  • مناسب للبوتاجاز أو في الفرن ولا يعتمد على أي مصدر للدهون
  • بيحتاج درجة حرارة عالية في الأول وبعدها وطي النار عشان يستوي كويس
  • ممكن تضيف بعض الزيوت على الخضار لو هتدخله الفرن لكن تجنب أكل الأجزاء البني أو السوداء فيه لتقليل الدهون وتجنب المواد المسببة للسرطان
  • استخدام البوتاجاز أفضل من الفرن لو عايز تحافظ على العناصر الغذائية في الأكل

الطبخ بالشوي

  • سريع وبيحتاج درجة حرارة عالية وممكن تضيف نكهة مميزة باستخدام الفحم معاه
  • تبل الأكل قبل الشوي واستنى لما درجة حرارة الوعاء المستخدم تكون عالية للاحتفاظ بالمياه فيه
  • خلي الملح آخر خطوة قبل التقديم لأنه بيفرز المياه اللي في اللحمة وبالتالي خسارة الطعم الطري والعناصر الغذائية
  • تجنب التتبيلة السايلة معاه أو جفف الأكل كويس قبلها لأن نزول التتبيلة على الفحم أو الوعاء المستخدم بيسبب إفراز مواد سامة في الدخان اللي بيطلع
  • ادهن الصينية المستخدمة في الشوي بكمية زيت بسيطة وخلي فيه صينية تحت الأكل أثناء الشوي لو بتستخدم شواية الفرن
  • لو بتشوي فراخ على شواية الفرن.. حط صينية فيها مياه تحتها عشان تكون طرية بعد التسوية

السوتيه

  • لا يحتاج لمياه أو نسبة عالية من الدهون ومناسب للخضار وأنواع اللحوم سريعة التسوية
  • تجنب الكميات الكبيرة عشان تضمن التسوية الصحيحة
  • لو اللحمة متبلة بتتبيلة سايلة.. تخلص منها قبل التسوية لضمان توزيع الحرارة
  • مناسب للحفاظ على العناصر الغذائية في الأكل بس تجنب إضافة المياه كتير

الطبخ بالقلي

  • خلي وقته سريع عشان تتجنب امتصاص كمية كبيرة من الزيت
  • كل ما كمية الأكل كانت صغيرة كل ما امتص زيت أكتر
  • نشف الأكل بعد القلي بمنديل ورقي وتجنب إعادة استخدام الزيت أكتر من مرتين
  • لو عمل دخان أو اتكون فيه مواد بني أو سوداء.. تخلص منه لأنه مسمم وفيه شوارد حرة بتأثر على صحتك
  • القلي على درجة حرارة متوسطة ولو بطاطس.. خليها عريضة مش رفيعة

الـ(Stir-Frying)

  • هو الطبخ في الطاسة بكمية زيت قليلة
  • لو الأكل لزق.. ضيف كمية صغيرة من المياه أو شوربة بدل الزيت
  • مناسب للأكلات اللي فيها أكتر من مكون مع بعض
  • تبل الأكل بتتبيلة سايلة قبل طبخها لتجنب استخدام الزيوت

مقالات ذات صلة

زر الذهاب إلى الأعلى