المحتويات
سيروم فيتامين سي من الخطوات المهمة في روتين العناية بالبشرة لأنه ليه فوائد كتير زي إبطاء إنتاج الميلانين المسؤول عن تصبغ البشرة وبيأخر ظهور التجاعيد والخطوط الرفيعة.
فوائد سيروم فيتامين سي للبشرة
- مناسب لكل أنواع البشرة ما عدا أصحاب البشرة الحساسة بشكل زايد.. لازم تجربيه بشكل تدريجي الأول
- استخدامه بانتظام بيساعد على ترطيب البشرة ومنع جفافها مع الوقت لأنه فيه مادة (Magnesium ascorbyl phosphate) اللي بتساعد البشرة على الاحتفاظ بالسوايل فيها
- بيساعد على توهج البشرة والحفاظ على نضارتها
- بيوحد لون البشرة من خلال إبطاء عملية إنتاج الميلانين وهي المادة المسؤولة عن تصبغ أو تغير لون البشرة
- بيعزز كولاجين البشرة وبالتالي إبطاء التجاعيد والخطوط الرفيعة
- بيحمي البشرة من آثار أشعة الشمس زي التصبغات والتجاعيد
- بيقلل الهالات الشوداء أسفل العين لأانه بيقلل الخطوط الرفيعة في المكان وبيساعد على ترطيبه
- استخدامه بيعزز إنتاج الكولاجين في البشرة اللي ليه دور أساسي في الوقاية من ترهل الجلد والعمل على شد بشرة الوجه
- بيساعد على تقليل احمرار البشرة وبيحفز إنتاج الخلايا الجديدة فيها
- بيسرع التئام الجروح وبالتالي تقليل فرص الإصابة بالتهاب أو عدوى أو وجود آثار ليها
- بيحمي البشرة من الأتربة والتلوث اللي في الجو
نصائح اختيار سيروم فيتامين سي
أفضل الأنواع فيها بعض الخصائص زي:
- يكون فيه من 10-20% حمض (L-ascorbic)
- فيه نسبة من فيتامين هـ وحمض الفيروليك
- يكون في عبوة محكمة وغامقة وزجاجية لحمايته من الإضاءة والحرارة
طريقة تجربته
- اختاري جزء صغير وخفي من الجلد
- حطي كمية بسيطة منه عليه واستني يوم كامل
- لو مفيش أي أعراض جانبية ظهرت.. استخدميه على وجهك
طريقة استخدام سيروم فيتامين سي
بما إنه فيه خصائص مضادة للأكسدة وبيحمي البشرة من الشوارد الحرة والإجهاد التأكسدي على مدار اليوم فممكن:
- تستخدميه مرتين يوميا.. مرة الصبح ومرة بالليل بعد استخدام الغسول والتونر وقبل استخدام المرطب
- لازم تستخدميه مع واقي الشمس لحماية البشرة أكتر ولأن الدراسات أثبتت إن المزج بينهم مفيد للبشرة بنسبة أكبر
- ابدئي في استخدامه بعد سن الـ20 لتجنب ظهور مشاكل البشرة وحمايتها بدري
- عند إضافته لروتينك اليومي.. ابدئي بالتركيزات القليلة منه زي تركيز 5% عشان تقدري تراقبي آثاره على بشرتك وقدرتها على التحمل
- مهم جدا تستخدميه على بشرة رطبة (دي أهمية وضعه بعد التونر) لتعزيز دوران المياه في الخلايا والبشرة تكون مرنة أكتر وبالتالي تمتص السيروم بشكل كامل
- تجنبي الاستخدام المفرط ليه واتأكدي إن أصابعك نضيفة قبل توزيعه على بشرتك لتجنب انتقال البكتيريا ليها
استخدام سيروم فيتامين سي مع منتجات تانية
بعض منتجات العناية بالبشرة بتسبب مشاكل جلدية خطيرة في حالة مزجها مع بعض، وبالتالي لازم تتأكدي من خطوات روتين العناية ببشرتك وصحة المكونات اللي بتستخدميها ببعض
- افصلي بين استخدام فيتامين سي والمنتجات اللي فيها (Benzoyl peroxide) لأنهم بيبطلوا مفعول بعض
- تجنبي استخدام فيتامين سي والمنتجات اللي فيها (Retinol) لأن مزجهم بيسبب تهيج البشرة والوقت الأنسب لاستخدام الـ(Retinol) هو الليل لأنه غلط يتعرض للشمس
- لو لونه اتغير للأصفر أو البني.. يبقى فعاليته قلت ومهم تراقبي أثره على وجهك
منتجات بتزود فعالية سيروم فيتامين سي
استخدامه مع حمض الفيروليك
- حمض الفيروليك بيساعد على محاربة الشوارد الحرة في البشرة وبيقلل تلفها
- بيطول فعالية وتأثير فيتامين سي وبيساعد على الاستفادة بفيتامين سي البشرة بشكل كامل
فيتامين سي مع فيتامين هـ
- مزجهم بيساعد على إصلاح ضمور البشرة عن استخدامهم بشكل منفصل
- باستخدامهم مع بعض أو منتجات فيها المادتين.. بتضيفي للبشرة مضادات الأكسدة الضرورية لتقليل آثار الشمس عليها
استخدامه مع فيتامين هـ وحمض الفيروليك
- الخليط بيقلل تأثير أشعة الشمس على البشرة
- حطيه قبل واقي الشمس عشان تزودي الحماية لبشرتك