صحة

تمارين وأطعمة لتقوية وإطالة مدة التركيز

إزاي تقوي تركيزك؟

التركيز وقصر مدته أو ضعفه بشكل عام واحدة من أكتر المشاكل اللي بتواجه الأشخاص حاليا لأسباب متعددة زي سوء النظام الغذائي والتلوث البيئي وزيادة المشاكل، وممكن تحسنه من خلال الاهتمام بالنظام الغذائي الصحي وممارسة التمارين اللي هتساعد على تقويته.

التمارين لزيادة التركيز

كتابة قائمة

  • لو بتعمل حاجة وحسيت إن تركيزك هيقل وهتبص على السوشيال ميديا.. اكتب في ورقة الحاجة اللي حاسس إنك عايز تعملها زي (عايز أشوف فيسبوك)
  • الدراسات أثبتت إن كتابتها على الورق هيساعدك على التخلص منها بسهولة واستكمال نشاطك

القراءة لزيادة التركيز

  • الدراسات أثبتت إن قراءة الكتب الكبيرة ببطء مفيد
  • لأنك بتركز في محاولة الوصول لمعلومة معينة أو في الأحداث والأسماء المختلفة

تمرين الإيد

  • اقعد في كرسي وافرد ضهرك لمدة ربع ساعة
  • ركز على قفل وفتح كف إيدك بالراحة لمدة 5 دقايق
  • كرر الخطوات مع الإيد التانية

الاستماع النشط

  • حدد مدة معينة واختار موضوع جديد تتكلم فيه مع شخص تاني
  • كرر الكلام اللي بيقوله واستخدم لغة الجسد وكلمات معينة عشان تحافظ على ده
  • تجنب مقاطعته ولخص كل اللي بيقوله بعد الانتهاء من فكرة معينة

المشي لزيادة التركيز

  • خصص مدة معينة تمشي فيها في مكان مفتوح
  • قول اسم كل شيء تقابله في طريقك واوصف كل ريحة تشمها

 تمرين التخيل

  • اقعد في مكان هادي ومريح وتخيل منظر أو مكان معين بكل تفاصيله
  • ركز على وصف الأصوات/ الروائح/ الألوان/ المناظر فيه وحاول توصل لأقصى درجة من الوضوح في التخيل

خطوات عامة اتباعها هيزود تركيزك

  • ممارسة الرياضة بانتظام
  • اشرب مياه كفاية
  • اتعمد تسأل أسئلة وتعمل سيرش عن كل حاجة بتتعرض ليها في يومك
  • اكتب الملاحظات في ورقة وقلم بدل الموبايل
  • اسمع موسيقى هادية يوميا لأن الدراسات أثبتت إن ليها دور في تنشيط أجزاء المخ المسؤولة عن التركيز والذاكرة
  • لما تحس إنك عايز تركز.. كل لبان لأن دراسة أمريكية أثبتت إنه بيزود انتباه المخ وفترة تركيزك
  • احفظ حاجة جديدة يوميا.. كلمات من لغة تانية/ أغنية/ بيت شعر/ مشهد من فيلم/ تمرين جديد

أطعمة لتقوية التركيز

  1. السمك وبذر الكتان بيحافظوا على نشاط وصحة العقل لأن فيهم أوميجا (3)
  2. مضادات الأكسدة في الطماطم والجزر والكيوي وعين الجمل مهمة
  3. الشاي الأخضر فيه حمض (الثيانين) اللي بيحسن نشاط العقل
  4. البيض فيه مادة (الكولين) بتحسن الذاكرة والإدراك
  5. التوت الأزرق بيحسن نشاط العقل لأنه بينشط الأكسجين والدم للمخ
  6. الخضار الورقي فيه حمض الفوليك اللي بيساعد على سهولة التركيز
  7. الشوكولاتة الغامقة فيها كافيين وبتحفز هرمونات (الإندروفين) و(السيروتونين) اللي بيحسنوا المزاج
  8. بذور القرع فيها زنك مهم للأعصاب ومغنيسيوم بيساعد على التعلم والإدراك وغنية بالنحاس وهو مهم لصحة الجهاز العصبي
  9. الكركم مضاد للالتهاب وبيحسن الذاكرة وبيساعد في نمو خلايا المخ
  10. الكافيين بيزود الانتباه وبيحسن الحالة المزاجية 

مقالات ذات صلة

زر الذهاب إلى الأعلى