المحتويات
المعجنات من أكتر الأكلات المشبعة اللي بيعتمد عليها أغلب الناس لأنها بتسرّع الشبع وبتحسس الشخص بالامتلاء حتى ولو لمدة محدودة بسبب الدقيق الأبيض اللي فيها، لكن دراسات كتير بتقول إن الدقيق الأبيض (المكون الرئيسي في المعجنات) أضراره كتير خصوصًا لو اعتمادك الأساسي عليه في وجباتك، وبالتالي ضروري تاكله بكميات بسيطة عشان تقلل احتمالية إدمانك للمعجنات المصنوعة من الدقيق الأبيض.
أضرار المعجنات على الصحة
- بتحتوي على عنصر الدقيق الأبيض اللي دراسات كتير أكدت خطورته على الصحة لأسباب كتير نظرًا لتأثيره السلبي على الجسم وتسببه في:
تصلب الشرايين
- بيزوّد نسب السكر في الدم وبالتالي بترتفع نسب الكوليسترول والدهون الثلاثية اللي مش بتدوب في الدم ولكنها بتترسب داخل جدران الأوعية الدموية
- بينتج عنها زيادة فرص الإصابة بتصلّب الشرايين وزيادة فرص الجلطات بجانب زيادة فرص الإصابة بأمراض القلب والسكر ودهون الكبد
السمنة
- بترتفع نسب هرمون الأنسولين مع تدفق كميات سكر كبيرة للجسم وهو الهرمون المسؤول عن التنظيم الغذائي للسكريات والنشويات
- بتتخزن السكريات في أماكن ضعيفة داخل الجسم زي البطن وغيرها من العضلات الضعيفة
مشاكل الهضم
- بعض الخبراء بيسمّوه صمغ الأمعاء لأنه بيتراكم في المعدة بشكل كبير وبيبطء عملية التمثيل الغذائي
ارتفاع نسب حامضية المعدة
- عملية تحويل الدقيق الأبيض لحمضي بتأثر على كثافة العظام لأنها بتسحب من كمية الكالسيوم داخل الجسم
- الحموضة المفرطة سبب رئيسي للإصابة بأمراض زي التهاب المفاصل وزيادة مدة التئام الكسور وغيرها من مضاعفات مشاكل العظام نتيجة تناول الدقيق الأبيض خصوصًا مع تقدم السن
ضعف الاتزان والصداع
- تدفق كميات سكر عالية بيعمل خلل في هرمونات الجسم لأنه مش متعوّد على استقبال الكمية دي في وقت قليل
- بعدها بمدة بسيطة بيقل السكر وبالتالي بيحس الشخص بضعف ودوخة وعدم اتّزان مع صداع
- بتزيد الشراهة لتناول الطعام وبيتحول الموضوع مع الوقت لإدمان
نصائح للتخلص من إدمان المعجنات
- الدراسات بتأكد إن الكربوهيدرات الصحية درع واقي ضد أمراض زي السكر والقلب والسرطان
- موجودة في حبوب زي الفول والشوفان وفاكهة زي الموز والبطاطا والتوت
- استبدل المعجنات بالكربوهيدرات الصحية خصوصًا بين الوجبات
- وابعد عن الكربوهيدرات المعالجة ومن ضمنها المكرونات والمعجنات
- دراسة في جامعة هارفارد بتقول إن الإفراط في أكلها بيسبب أمراض كتير منها السكر
- افتكر إنها من الأسباب الرئيسية لزيادة الوزن
- كل ما تفكر فيها اشرب مياه بكمية كبيرة عشان تحس بالامتلاء
- في البداية كل لحد ما تشبع حتى ولو بكميات كبيرة عشان تعوض الشبع اللي بتحققهولك
- زود كمية الخضار الورقي في أكلك وقلل السكريات عشان هتخليك تاكل أكتر
- أنواع من بسكويت الشوفان قليل السعرات الحرارية هتعوضك
- ابعد عن الأشخاص/المواقف اللي بتخليك تشتريها
- وفر الفلوس اللي بتصرفها يوميًا في شرائها واشتري بيها حاجة كبيرة في نهاية الشهر
