المحتويات
اللبن أو الحليب هو مصدر غذائي بيحتوي على مجموعة كبيرة من المعادن أهمها الكالسيوم، وبيتم إنتاجه بأشكال مختلفة زي الزبادي واللبن الرايب، والأجبان الصفراء والبيضاء، واللبنة، والقشطة والحليب المجفف، والحليب المبخر المركز وغيرها، بتساعد في تعزيز صحة الجسم.
الفرق بين اللبن والحليب
- بيطلق المصرين على الحليب كلمة (اللبن) عكس باقي الدول العربية خاصة في الخليج، ومفيش اختلاف بين الاتنين، من الناحية الغذائية أو الشكل أو الخصائص، ولكنهم كلمتين لنفس شيء
- أما في الشام بيطلق على الشكل المتخمر من الحليب (اللبن) زي الزبادي والرايب
فوائد اللبن
- يحتوي اللبن أو الحليب على مجموعة من الفيتامينات والمعادن زي الكالسيوم والبوتاسيوم والفسفور وفيتامين د، بالإضافة للبروتين
- تناول كوباية ليلا بيساعد على النوم الهادي والعميق، لأنه بيحتوي على مركبات كيميائية زي التريبتوفان والميلاتونين لها تأثير على الاسترخاء والنوم الجيد
- بيساعد على تعزيز صحة العظام لأنه غني بالكالسيوم والبوتاسيوم والفسفور وبيحمي من أمراض زي لين وهشاشة العظام
- دراسة قالت إنه بيساهم في تقوية المناعة لأنه بيحتوي على كمية من البروتين (حوالي 8 جرام للكوباية) وبيوفر الأحماض الأمينية الأساسية للجسم
- بيهدي حرقة المعدة لأنه له تأثير ملطف على بطانة المعدة والمريء، وبيقلل الإحساس بالحرقة
- بيحتوي على البوتاسيوم وهو عنصر جيد لتوسيع الأوعية الدموية وخفض ضغط الدم المرتفع
القيمة الغذائية للبن
كل 100 جرام بيحتوي على:
- 123 سعرة حرارية
- 8.12 جرام بروتين
- 4.87 جرام دهون
- 11.8 كربوهديرات
- 12.4 جرام سكريات
- 0.025 جرام جلوكوز
- 12.3 جرام لاكتوز
- 295 مليجرام كالسيوم
- 0.049 مليجرام حديد
- 27.1 مليجرام مغنيسيوم
- 226 مليجرام فسفور
- 344 مليجرام بوتاسيوم
- 116 مليجرام صوديوم
- 2.46 وحدة دولية فيتامين د
أضرار الإفراط في تناوله
- ألم وتقلصات في البطن
- الغثيان
- الانتفاخ
- الإسهال
الفرق بين البقري والجاموسي
- اللبن البقري بيحتوي على كمية أقل من الدهون ونسبة المياه أكتر، وده سبب قوامه الخفيف وكمان هضمه أسهل من الجاموسي
- اللبن الجاموسي بيحتوي على كمية أكبر من البروتين، وصلاحيته أطول من البقري، لأنه غني بإنزيم بيروكسيداز
- سعرات اللبن الجاموسي أعلى بسبب وجود نسبة عالية من البروتين والدهون
- اللبن البقري غني بالفيتامينات، أما الجاموسي غني بالكالسيوم والفسفور والمنجنيز والبوتاسيوم
أنواع اللبن
اللبن قليل الدسم أو خالي الدسم
- الحليب كامل الدسم فيه كمية الدهون كاملة من غير تغيير أما منزوع الدسم بيحتوي على 0.5% وقليل الدسم 1%
- الدهون بتحتوي على سعرات حرارية أعلى بالتالي اللبن كامل الدسم سعراته الحرارية أعلى
فيتامين د بيختلف على حسب كمية الدهون لأنه قابل للذوبان فيها لكن معظم المصنعين بيضيفوا محتوى مماثل من فيتامين د - ناس كتير بتعتقد إن اللبن كامل الدسم بيحتوي على دهون مشبعة بترفع نسبة الكوليسترول في الدم وبتأدي لأمراض الدم
- لكن الدراسات الحديثة لم تثبت المعلومة دي وقالت كمان إن مفيش دليل على إن شرب الحليب كامل الدسم بدل خالي الدسم بيزود الوزن
- شرب الحليب كامل الدسم له فوايد صحية زي تقليل مخاطر متلازمة التمثيل الغذائي وخفض خطر الإصابة بسرطان القولون والسكري وأمراض القلب
- اللبن خالي الدسم غني بالبروتين والكالسيوم لكن مع سعرات حرارية أقل ومفيد لتقليل الوزن
اللبن الرايب
القيمة الغذائية للبن الرايب
كل كوباية (245 مل) بتحتوي على:
- 98 سعرة حرارية
- 8 جرام بروتين
- 12 جرام كربوهيدرات
- 3 جرام دهون
- 22% من الاحتياج اليومي للكالسيوم
- 16% من الاحتايج اليومي للصوديوم
- 29% من الاحتياج اليومي للربيوفلافين
- 22% من الاحتياج اليوم لفيتامين ب 12
- 13% من الاحتياج اليوم لفيتامين ب5
فوايده
- بيساعد في تسهيل عملية الهضم والتخلص من الإسهال أو الإمساك وأعراض القولون العصبي لأنه بيحتوي على بكتيريا البروبيوتيك
- بيحتوي على نسب عالية من البروتين بتاخد وقت أطول في الهضم وده بيساعد في الشعور بالشبع وتناول كمية أقل من الأطعمة وخسارة الوزن
- بيحسن صحة العظام والأسنان وبيحمي من الإصابة بهشاشة العظام أو تلف مينا الأسنان
- بيساعد في السيطرة على معدل ضغط الدم
- قليل الدهون وبتساهم بكتيريا البروبيوتك في الحفاظ على نسبة الكوليسترول الضار والنافع وحماية القلب والأوعية الدموية
- بيساعد في تقوية الجهاز المناعي
- بيحتوي على حمض اللاكتيك اللي بيمنع نمو البكتيريا غير النافعة في الأمعاء وبيقلل أعراض حموضة المعدة
- تناوله على معدة فارغة بيساعد في مد الجسم بالطاقة وتهيئة الجهاز الهضمي لتناول وجبة الإفطار، خاصة للأشخاص اللي بيعانوا من متلازمة القولون العصبي أو مشاكل زي الانتفاخ والغازات
- تناوله قبل النوم، بيساعد في التخلص من الأرق لأنه بيهدي المعدة ويعالج الانتفاخ اللي ممكن يسبب اضطرابات في النوم خاصة لو أكلت أطعمة تقيلة
- الأطباء بيوصوا بتناوله مع وجبة الإفطار أو الغداء لتحسين الهضم عند الحوامل، لكن مهم تتجنبه قبل النوم لأنه بيزود الكحة
الكمية المناسبة لتناوله
- خبراء التعذية قالوا إن تناول كوباية كبيرة أو اتنين صغيرين على مدار اليوم هي الكمية المناسبة بدون التعرض لأضرار الإفراط فيه
أضرار الرايب
- الإسهال
- الغثيان
- أعراض الحساسية خاصة لو بتعاني من الأمراض الجلدية زي الإكزيما
استخدامات الرايب
- استخدمه في عمل الكيك والمعجنات بدل اللبن أو الزبادي
- مع التوابل المفضلة لتتبيل الفراخ قبل الشوي
- ضيف عليه خل على نار هادية لعمل الجبنة القريش في البيت
- استخدمه في تتبيل السلطات المختلفة
- بيحتوي على خصائص مهدئة، استخدمه على حروق الشمس
- ضيف عليه شوفان أو بذور الكتان مع قطع الفاكهة في الخلاط وتناوله كوجبة خفيفة في الدايت
الأجبان
- من منتجات الألبان اللي بتحتوي على نسب عالية من الدهون زي الرومي والشيدر والموتزاريلا، وعالية الأملاح زي الرومي والريكفورد
والأسطنبوليوالبراميلي، ومنتجات تانية بتكون قليلة الملح والدهون زي الجبنة القريش - اختار الأجبان قليلة الملح والدهون زي القريش وأنواع الجبن الأبيض للاستخدام اليومي، أما الأنواع زي الرومي أو الشيدر يفضل عدم الإكثار منها لأنها ممكن ترفع الضغط وتزود الوزن
الزبد والسمن والقشطة
- هي مشتقات بيتم استخراجها من اللبن بطرق مختلفة وبتستخدم في الطهي، وهي المكون الرئيسي من الدهون
- تجنب الإفراط في تناولها لأنها ممكن تأدي لأمراض القلب والأوعية الدموية والسمنة
