خدماتغير مصنف

التقسيط على فاليو: الخطوات والأوراق المطلوبة

إزاي تقسط مع أبليكشن فاليو؟

أشخاص كتير بيلجأوا لنظام التقسيط، عشان يشتروا أجهزة كهربائية أو إلكترونية في وقت مش بيتوافر معاهم المبلغ كامل، أبلكيشن فاليو بيسهل على العميل عملية الشراء بنظام تقسيط بيبدأ من 6 شهور لـ36 شهر، قيمة الفائدة بتتراوح من 15% لـ25% على حسب التجار للسنة الواحدة، هنقولك الأوراق المطلوبة وخطوات التقسيط على فاليو.

طريقة التقسيط على فاليو

  • حمل الأبلكيشن على موبايلك ( الأندرويد/ IOS)
  • سجل حساب جديد ودخل بياناتك الأساسية
  • هيبعتلك كود على موبايل لتأكيد التسجيل 
  • ممكن كمان تسجل بحساب “فيسبوك” أو “لينكد إن” أو “جوجل”
  • كمل باقي بياناتك: سنك/ وظيفتك/ عنوان شغلك/ صافي المرتب الشهري/ طبيعة المعاملات البنكية/ نوع السكن (إيجار – تمليك)/ مدة السكن في العنوان الحالي/ صورتك الشخصية 
  •  روح أقرب فرع لـ ValU  لتفعيل الخدمة ومعاك أوراق زي:
  • البطاقة الشخصية 
  • رخصة القيادة أو فاتورة مرافق (كهرباء – مياه – غاز)
  • بطاقة ضامن بدرجة أولى
  • الموافقة هتكون في الفرع (خلال 20 دقيقة) 
  • بعد الحصول على الموافقة.. اتوجه لأي مكان متعاقد عليه 
  • افتح الأبلكيشن واختار التجار أو المحل (زي Tradeline) 
  • حدد الفئة اللي أنت عايز تشتري منها (زي موبايل – ممكن تحدد نوعه) 
  • هتفتح الكاميرا وتعمل سكان لـQR كود من خلال الكاشير 

بعد إتمام عملية الشراء.. تقدر تحول القسط الشهري من خلال 

  1. فوري (على كود 7177) / ضامن / سداد  + مصاريف 10 جنيه
  2. الـDebit أو الـCredit card + مصاريف 20 جنيه 

مقالات ذات صلة

زر الذهاب إلى الأعلى