البيت

ابواب خشب: الأنواع المناسبة للغرف ونصائح لأفضل اختيار

إزاي تختار باب خشب صح؟

الابواب الخشب في البيت بتختلف على حسب نوعية الخشب المستخدم في تصنيعها وخصائصه، واللي بتلعب دور مهم اختيار الباب المناسب.

أنواع الابواب الخشب من حيث الشكل

الباب الكلاسيكي

  • بيتم تصنيعها من الخشب الطبيعي زي الزان أو السنديان أو ممكن يكون حشو أو كابس
  • بيتم استخدام الأبواب الزان عادة في القصور والفلل والأبواب الخارجية للشقق لأنها بتتميز بالصلابة
  • لكنها غالية الثمن
  • لها أشكال مختلفة وممكن تكون مزودة بزجاج أو مزخرفة، وكمان في منها بيتم استخدام دهانات الخشب أو بألوان مختلفة

ابواب خشب ابواب خشب

الأكورديون 

  • بيتكون من قطع طولية متساوية بيتراوح عرض كل واحد منهم بين 10 و15 سم، وممكن تزيد حسب المساحة، وبيتم تركيبها في بعض بمفاصلات معدنية
  • وهي من أنواع الأبواب الداخلية، وبيفضل استخدامها للفصل بين أقسام البيت

ابواب خشب ابواب خشب

 الجرار

  • تعتبر بسيطة ومرنة
  • ممكن تستخدمها في تقسيم غرفة واسعة لغرفتين، أو للغرف بمساحة صغيرة

ابواب خشب ابواب خشب

أنواعها من حيث التصنيع 

  •  الكبس: وهو عبارة عن لوحين من الخشب (وجهين الباب)، ومفرغ من الوسط، وبيتم تركيب شرائح متقطعة من الخشب على طول الباب عشان تدعمه، والفراغات دي بتحفظ الباب من التقوس عشان مش بتسمح بالتمدد والتقلص على حسب حالة الجو، ومن مميزاته سهولة تنظيفه وصيانته
  • باب الحشو: خشب صافي من غير فراغات بين أجزائه، وده سبب إنه صلب أكتر من الكبس،  وعادة بيتسخدم للأبواب الخارجية

من حيث نوع الخشب

  • الزان: من أفضل أنواع الخشب لأنه بيتميز بالقوة والصلابة وقدرته على تحمل درجات الحرارة المرتفعة، ومقاومة التسوس لكنه غالي جدا
  • الموسكي: هو أحد أفضل الأنواع ومنتشر أكتر بسبب قلة سعره مقارنة بأبواب الزان، بيتم تغليفه بقشور خارجية من الأرو الأحمر أو الزان أوغيرها عشان تزود العمر الافتراضي
  • الأرو: الأبواب الداخلية المصنوعة من النوع ده بتكون متينة ومعمرة، لكنها غالية جدا، وفي منه أنواع زي الإفريقي والإنجليزي واليوغسلافي والنمساوي

مميزات الابواب الخشب

  • عازلة للحرارة والأصوات
  • سهلة التشكيل والزخرفة
  • صلبة
  • خفيفة
  • عمرها الافتراضي طويل

 عيوب الابواب الخشب

  • التمدد والانكماش بسبب تأثرها بالجو
  • التقوس والتشقق والتصدع
  • التسويس
  • قابلة للاحتراق

نصائح لاختيار الابواب الخشب

  • الأفضل لخشب أبواب الغرف الداخلية يكون حشو أو ابواب خشب كبس لأنها خفيفة ومتوفرة بألوان كتير
  • مهم تقيس مساحة الأبواب عشان تختار الأحجام المناسب بشكل صحيح
  •  قيس المساحة اللي هيفتح فيها الباب قبل شراءه عشان تقدر تحدد النوع اللي محتاجه
  • الأبواب الجرارة مفيدة في الغرف بمساحات صغيرة
  • مهم تكون عارف الاتجاه اللي هيفتح به الباب من الشمال ولا اليمين
  • اختار تصميم الباب الداخلي كجزء من البيت، ويمنفعش تختار باب كلاسيك مع ديكور مودرن والعكس
  • كمان لازم يكون التصميم ملائم للغرف بمعنى إن الباب المزود بزجاج غير مناسب لغرف النوم والحمام

مقالات ذات صلة

زر الذهاب إلى الأعلى