المحتويات
كاريزما الشخص هي بصمته المميزة عن الآخرين في التواصل والبعض بيصنّفها على أساس إنها قوة مؤثرة غامضة بتمنح الشخص قدرة على التأثير في الآخرين.
تعريف الكاريزما
- المصطلح أطلقه رائد علم الاجتماع ماكس فيبر ومشتق من كلمة يونانية معناها النعمة وبيعرّفها العلماء بإنها ثقة وحضور وجاذبية شخص بتجبرنا على الانتباه له والتفكير في رأيه
- دراسات بتأكد إنها بتكسّب الشخص حب المحيطين والقدرة على التأثير والقيادة
- الموضوع بيختلف من شخص للتاني لأنه أحيانًا بيبقى الشخص عنده كاريزما من خلال طريقة كلامه والتأثير في الآخرين
- والبعض الآخر الجزء الأكبر من كاريزمته مبنية على الهدوء والكلام القليل اللي بيحمل معاني عميقة
عناصر الكاريزما
- البعض بيعتقد إن الكاريزما هي صفة جينية ولكن علماء وخبراء علم النفس والاجتماع بيأكدوا إنه اعتقاد خاطيء
- الكلام ده أكده كتاب خرافة الكاريزما للمؤلفة أوليفيا فوكس كابان (واللي بتدرب مهارات القيادة وبتدرّس فنونها في جامعات كتير منها ستانفورد)
- وحددت 3 نقاط أساسية ممكن تبني بيهم الكاريزما الخاصة بيك وهي:
- السلطة أو القوة وبتقدر فيها تظهر أهميتك وقدرتك ومهاراتك الشخصية أو العملية
- قوة الحضور اللي من خلالها بيحس الآخرين إن اهتمام الشخص الكامل بيهم ومش بشخص تاني
- المودة أو الدفء اللي بيحسسوا الشخص بالقرب والحميمية من الآخرين مع عدم اختراق الحدود الشخصية
- الموضوع مالوش كتالوج لكن بيعتمد على قدرة الشخص التعبير عن المكونات التالية بصورة معتدلة
- لأن الإفراط في إظهار أي شيء منهم بتظهر على إنها اصطناع وبالتالي ضروري تبقى طبيعية أثناء تعبيرك عنهم
تطوير مهارات التفكير النقدي
- الخبراء بيأكدوا إن التفكير النقدي هو بداية طريق اكتساب كاريزما قوية
- هيساعدك تكتسب الفهم الضروري لإظهار الشخصية القوية والمسيطرة والحضور اللبق والكلام بثقة
- بجانب تحليلك للآخرين وفهم مشاعرهم وطريقة تفكيرهم وبالتالي استخدام طريق التواصل الأفضل بالنسبة لهم
- التفكير النقدي هو طريقة تفكير بتخليك تقرر وتحكم على الأشياء عن طريق التفكير المنطقي المتماسك والمنفتح
- بتفكر في تفاصيل كل شيء حواليك ومش بتقتنع بأي وجهة نظر إلا بعد وجود أدلة تثبت صحتها
- وسّع معلوماتك العامة وخلي عندك فكرة عن كل مجالات الحياة مش تخصصك بس
- مهم تبحث عن مصادر كل معلومة عشان تتأكد من صحة البيانات اللي عندك
- طبّق البيانات اللي عندك على أي موقف تقابله عشان توصل لأحسن قرار
- خليك دقيق وابحث عن المعلومات المرتبطة بأدق التفاصيل وافتكر إن الموضوع مش مرتبط بموقف معين لأن حب المعرفة لازم يبقى جواك
- المعرفة هنا المقصود بيها أصل الأشياء وأسبابها وتفسير طبيعة العلاقات بين الأشخاص مش معرفة أسرارهم وتفاصيل حياتهم
- افتكر إن تركيزك على الصورة الكاملة بس من غير التفاصيل الصغيرة هيخدعك وإبعاد احتمالات معينة عن التحقق بيخليك تاخد قرارات تندم عليها في المستقبل
- لازم تفترض صحة أي احتمال وتبحث وراه عشان تتأكد من دقة الافتراض
- تحليل كل المعلومات في حياتك هيساعد تحلل شخصيتك وتحوّل نقاط الضعف لقوة وتحلل الآخرين عشان تعرف اهتمامتهم وطريقة التواصل الأفضل معاهم
كيفية اكتساب كاريزما قوية
- دراسة في جامعة لوزان السويسرية حددت صفات لازم تكتسبها عشان تقوي كاريزمتك
- بص في عين اللي بتكلمه مباشرة و بلاش تربّع إيدك وإنت بتتكلم وحركها مع عضلات الوجه حسب طبيعة الكلام
- افرد ضهرك والأحسن تدرب نفسك قدام المرايا على طريقة الجلوس
- ابتسم بطبيعية في وجه الجميع ولو قاعد مع مجموعة خليك على مسافة متساوية بينهم عشان الكل يشوفك
- اهتم بتناسق ألوان ملابسك وخليها مكوية وافتكر دايمًا إنجاز عملته أوفكرة إيجابية تزود ثقتك قبل بداية الكلام
- اسأل اللي بتكلمهم عشان تخلي الحوار تفاعلي ودور على معلومة مش معروفة للجميع عشان تجذب انتباههم بس تأكد من صحتها الأول
- اعرف إن انجذابهم ليك بيزيد كل ما كانت تفاصيلها ممتعة
- لو حابب تحكي عن تجربة مريت بيها لازم تكون مفيدة للآخرين ومدتها قصيرة
- افتكر إن الكازيزما مش باكلام الكتير واعرف إن اهتمامك بالمحتوى واختصارك هيحقق أقصى استفادة
- حاول تفهم اللي إنت قاعد معاهم وعبر عن إعجابك بنقاط قوتهم وخليك لطيف وصبور مع الجميع
- افتخر دايمًا بنفسك وبلاش تقلل منها ولكن ابعد عن الغرور ومهم تصدق اللي بتقوله ويبقى نابع من جواك عشان يوصل للجميع
- اعرف إن أساس بناء أي كاريزما قوية هو الثقة بالنفس اللي لازم تشتغل على نفسك عشان تطوّر مهاراتها عندك
